Karkataka Rasi 2026-2027 Telugu Rasi Phalalu Yearly Horoscope

శ్రీ పరాభవ నామ సంవత్సరము నందు కర్కాటకరాశి వారి ఈ గ్రహస్థితిని పరిశీలించగా ఈ సంవత్సరమంతయూ శుభాశుభ మిశ్రమ ఫలితములతో నుండును. అపరిమితమైన ధన వ్యయము కలుగును. ఋణవృద్ధి కలుగును. పాత ఋణములు తీర్చుటకు కొత్త ఋణములు చేయవలసి వచ్చును. ఆరోగ్యము మందగించును. తరచూ వైద్యశాలా దర్శనము ఔషద సేవనము చేయక తప్పదు. శారీరక మానసిక అశాంతితో సతమతమగుదురు. అజీర్ణ వ్యాధితో బాధ పడుదురు. బంధుమిత్రాదుల వలన సమస్యలు కలుగును. అనవసరముగా త్రిప్ప్పుట కాలయాపన దేశాంతర గమనము కలుగుచుండును. చేయు వృత్తి వ్యాపార ఉద్యో గాదులయందు స్థిరత్వము లేక స్థానభ్రంశము కలుగుచుండును. ఆరోగ్య కష్టములు పెరుగును. మనశ్ఛాంచల్యముతో ఇల్లు విడిచి వెళ్ళుట జరుగును. ఇంటియందు భార్య/భర్త సంతానముల మధ్య సమస్యలు కలుగును. మనోధైర్యము సడలును. మతిమరుపు బుద్ధిమాంధ్యముతో ప్రయాణముల యందు త్రప్పిపోవుట జరుగును. దూర ప్రయాణములు వాయిదా పడును. వాహన ప్రమాదములు, వాహనములు మొరాయించుట వంటి సమస్యలతో ఇబ్బంది పడుదురు. వివాహాది శుభకార్యములు అధిక ధనవ్యయము చేసిన మీదట పూర్తి అగును. మధ్యమధ్య ధనలాభము కలుగును. మనశ్శాంతి సంఘ గౌరవము కలుగును. విద్యాభివృద్ధి బంధుమిత్ర సౌఖ్యము కలుగును. ఆరోగ్యము సిద్ధించును. భూగృహ నిర్మాణాదికార్యములు సత్వరము పూర్తి చేయగలరు. పోలీసు, కోర్టు కేసులయందు కొంత వ్యతిరేతక వ్యక్తమగును. హంగు ఆర్భాటములకు అధిక ధనవ్యయము చేయుదురు.

2026-2027 కర్కాటకరాశికి సంవత్సర ప్రారంభమున అపరిమితమైన ధనవ్యయముతో సతమతమగుదురు. రాబడి తగ్గును. ఖర్చులు పెరుగును. నూతన ఋణములతో నెట్టుకొచ్చెదరు. చేసిన ప్రయత్నములు పురోగతి లేక మనశ్శాంతి తగ్గును. ఆరోగ్య పీడ కలుగును. కుటుంబ సమస్యలు పెరుగుటచే మనశ్శాంతి కరువగును. శతృపీడ కలుగును. బంధుమిత్రాదులతో సహకారము లేక అపవాదములనెదుర్కొనవలసి వచ్చును. పశు, క్షేత్ర నష్టములు కలుగును. స్థిరాస్తులు కరిగి పోవును. విలువైన వస్తువులు పొగొట్టుకొందురు. చేయు వృత్తి వ్యాపార ఉద్యోగాదుల యందు సమన్వయము లేక ఇబ్బంది పడెదరు. శారీరక మానసిక సౌఖ్యము తగ్గును. అనవసర ప్రయాణములతో ధనవ్యయము కలుగును. నమ్మినవారి వలన మోసములకు గురి అగుదురు. సంఘ గౌరవము తగ్గును. రాజకీయ పదవులు పొగొట్టుకొందురు. శస్తచికిత్సలు, వాహన ప్రమాదములు జరుగు సూచనలున్నవి. వివాహాది శుభకార్యములు వాయిదా పడును. భూ, గృహ నిర్మాణాది కార్యములు ఆగిపోవును. పోలీసు కోర్టు కేసులలో వ్యతిరేకత కలుగును.

2026-2027 కర్కాటకరాశికి సంవత్సర ద్వితీయ భాగమున మనశ్ఛాంచల్యము మనో వికారము కలుగును. అనాలోచిన నిర్ణయములతో బంధు మిత్రాదులతో కలహములు కలుగును. పదవీత్యాగములు ఉండును. ఇచ్చిన మాట నిలబెట్టుకొనలేరు. మతిభ్రమణముతో త్రిప్ప్పుట కలుగును. శత్రుపీడ, శత్రువృద్ధితో ఆందోళనక గురి కాగలరు. అభివృద్ధి నిలచిపోవును. విలువైన వస్తువులు పొగొట్టుకొందురు. ధనవ్యయము అపరిమితముగా ఉండును. సమయమునకు తగిన నిర్ణయములు చేయలేక పోవుటచే ఆర్ధిక సమస్యలు చుట్టుముట్టును. శారీరక మానసిక వ్యధ కలుగును. వృధా సంచారము పరగృహ వాసము కలుగును. శక్తివంచన లేకుండా కృషి చేయుదురు. కాని ఫలితము ఆశించిన మేరకు రాకుండును. ప్రభుత్వ అధికారులతో వాగ్వివాదములతో తలనొప్ప్పులు కలుగును. స్థిర చరాస్తుల విషయములో దాయదులతో కలహములు వచ్చును. పిత్రార్జితము సమయమునకు చేతికి అందకుండును. ఆస్తి తగాదాలతో కోర్టుల వరకు వెళ్ళును. మాట పట్టింపులు కలుగును.

2026-2027 కర్కాటకరాశికి సంవత్సర తృతీయ భాగమున అన్ని విధములా అనుకూలముగా నుండును. ఆర్ధిక వృద్ధి కలుగును. కీర్తి వృద్ధి సంఘ గౌరవము కలుగును. అప్రయత్న కార్యసిద్ధి అప్రయత్న ధనలాభముతో ఉత్సాహముగా నుందురు. ఆగిపోయిన కార్యములు సత్వరము నెరవేరగలవు. శరీర బలము పెరుగును. ముఖము నందు తేజస్సు వృద్ధి అగును. సర్వులు మీకు అణిగి మణిగి ఉండెదరు. శత్రునాశనము కలుగును. శత్రువులు మిత్రుల వలె సహకరించెదరు. గురుదేవతా దర్శనము చేయుదురు. మంత్ర సిద్ధి కలుగును. పుణ్య క్షేత్ర సందర్శనమతో ఆహ్లాదకరముగా నుందురు. వివాహాది శుభకార్యములు అప్రయత్నముగా నెరవేరును. భూ, గృహ నిర్మాణాది కార్యములు సిద్ధించును. నూతన క్షేత్ర వృద్ధి, పశు వృద్ధి కలుగును. చేయు వృత్తి వ్యాపార ఉద్యోగాదులయందు ఉన్నతి గౌరవము కలుగును. మీ ఆజ్ఞ సర్వులు శిరసా వహించగలరు. ప్రభుత్వ పరమైన అనుమతులు సత్వరము పొంది కార్యములు చక్కబెట్ట కొనగలరు. అభివృద్ధికి బాటలు వెసెదరు. ఆరోగ్య సిద్ధించును. విదేశీ వస్తు సంచయము సమకూర్చుకొందురు. మృష్టాన్నభోజనము చేయుదురు. రాజకీయ పదవీ యోగము కలుగును. కీర్తి గౌరవ ప్రతిష్టలు పెరుగును. సుఖ సంతోషములతో నుండెదరు.

2026-2027 కర్కాటకరాశికి సంవత్సరాంతమున పురోగతి మందగించును. ఆరోగ్యలోపములతో సతమతమయ్యెదరు. శారీరక మానసిక ఒత్తిడితో మనోధైర్యము తగ్గును. శక్తి చాలక చేయవలసిన పనులు వాయిదా వేసెదరు. మనోవ్యధ మనశ్చాంచల్యంతో అన్ని కార్యముల యందు వ్యతిరేకత వ్యక్తమగును. బంధుమిత్రాదులతో సంఘర్షణలకు లోనగుదురు. మర్యాదకు హాని కలుగును. వివాహాది శుభకార్య నిర్వహణ యందు పురోగతి మందగించును. కొన్ని కార్యములు పూర్తి చేయుటలో అపరితమైన ధనవ్యయము కలుగను. అనవసర సంచారము చేయుదురు. శత్రుబాధ పెరుగును. మిత్రులు సమయానికి కలసిరాక ఇబ్బందులు సృష్టించెదరు. దూరప్రాంత ప్రయాణములు విదేశీ ప్రయాణములు ఆగిపోవును. నూతన విద్య ఉద్యోగ ప్రయత్నములకు ఆటంకము కలుగును. మతిభ్రమణముతో సర్వులతో కలహ వాతావరణముండును. భార్య/భర్త సంతానముల మధ్య సఖ్యత లేక మనశ్శాంతి లోపించును. దేశ సంచారము చేయుదురు. ద్రవ్య నాశనము కలుగును. శత్రుభీతి కలుగును. పోలీసు కోర్టు కేసులయందు వ్యతిరేక ఫలితములు కలుగును. ప్రభుత్వ అధికారులతో సమస్యలు కలుగును.