Kumba Rasi 2026-2027 Telugu Rasi Phalalu Yearly Horoscope

శ్రీ పరాభవ నామ సంవత్సరమునందు కుంభరాశి వారి ఈ గ్రహస్థితిని పరిశీలించగా సంవత్సరమంతయూ ఏలినాటి శని ప్రభావముచే మనోధైర్యములేక అశాంతితో సతమతమగుదురు. మనోభీష్టములు వాయిదాపడును. ధనక్షయము అధికముగా నుండును. సర్వులతో విరోధము కలుగును. ఆర్ధిక ఇబ్బందులతో సమస్యలు కలుగును. మీకన్నా తక్కువారి వద్ద చేయు చాపవలసి వచ్చును. బంధుమిత్ర విరోధములు కలుగును.శత్రు భయము కలుగును. అవమానములు ఎదుర్కొనవలసి వచ్చును. ఆరోగ్యము మందగించును. వృధా ఖర్చులు పెరుగును. వైద్యాశాలా దర్శనము తరచూ చేయవలసి వచ్చును. ఔషదసేవనము నిత్యకృత్యమగును. అభివృద్ధి కానరాకుండును. సమస్యలతో విసిగి వేసారిపోయేదరు. అధిక ధనవ్యయము చేసిన మీదట కొన్ని కార్యములు ఆలస్యము మీద పూర్తి చేసేదరు. సమయానికి బంధుమిత్రాదులు కలిసి రాకుండుటచే మాట నిలబెట్టుకోలేని పరిస్థితి కలుగును. అధిక శ్రమతో అరకొరగా పనులు పూర్తి అగును. భార్యభర్తల మధ్య అపోహలకు దారితీయును. సంతాన సౌఖ్యము తగ్గును. సంఘ గౌరవము తగ్గును. కొన్ని కార్యముల యందు విజయము కలుగును. ధనాదాయము సామాన్యముగా నుండును. చేయు వృత్తి వ్యాపార ఉద్యోగాదుల యందు లాభార్జన సామాన్యముగా నుండును. ప్రభుత్వ పరమైన అనుమతులు ఆలస్యముగా నెరవేరును. వృధా సంచారము త్రిప్ప్పుట జరుగును. చిన్న చిన్న ప్రమాదములు ఎదుర్కొనవలసి వచ్చును. వస్తువాహనములు పాడగుటచే నూతన వస్తువులు సమకూర్చుకొనవలసి వచ్చును. దొంగల భయము కలుగును. విలువైన వస్తువులు తస్కరించబడుట కనబడకుండా పోవుటచే ఆందోళన చెందుదురు. ప్రభుత్వ పరమైన నోటీసులు వచ్చును.

2026-2027 కుంభరాశికి సంవత్సర ప్రారంభమున అన్ని విధములా అనుకూలముగా ఉండగలదు. తలచిన కార్యములన్నియూ ఆలస్యము మీద నెరవేరును. వాయిదాల మీద కార్యక్రమ నిర్వహణ జరుగును. ధనాదాయము బాగుండును. బంధుమిత్ర సౌఖ్యము కలుగును. చేయ వృత్తి వ్యాపార ఉద్యోగాదుల యందు అనుకూలత కలిగి అభివృద్ధికి బాటలు వేయుదురు. సహచరులతో స్నేహ లాభముండును. ఆర్ధికముగా నిలదొక్కుకుందురు. పోలీసు కోర్టు కేసుల యందు రాజీ ధోరణితో పరిష్కారములు జరుగును. సర్వులతో స్నేహ భావము కలుగును. ఇంటియందు భార్యభర్తల మధ్య సఖ్యత నెలకొనును. సంతాన సమస్యలు విజయవంతముగా పరిష్కరించబడును. శక్తిమేరకు కృషిచేయుచు మనోనిబ్బరము కలిగియుందురు. శారీరక శ్రమ పెరుగును. ఫలితములు ఆశించక నిజాయితీతో పనిచేసి అందరిని మెప్పించగలరు. దేశ విదేశ పర్యటనలు చేయుదురు. గురుదేవతా దర్శనము పుణ్య తీర్ధ గమనము కలుగును. మానసిక శారీరక ధృడత్వము తగ్గిననూ ఔషద సేవనముతో సరిచేసుకొందురు. శరీర ఆరోగ్యరిత్యా వైధ్యశాలా దర్శనము తప్పని సరిఅగును. నీరసం నిస్సత్తువతో ఇబ్బంది పడుదురు.

2026-2027 కుంభరాశికి సంవత్సర ద్వితీయ భాగమున ధనవ్యయము అధికముగా నుండగలదు. 1కి 10 రూపాయలు ఖర్చు అగును. సొమ్ము ఇవ్వనిదే ఎవ్వరూ పనిచేయని పరిస్థితి కలుగును. బంధుమిత్రాదుల సైతం వ్యతిరేకముగా నుండును. ఆదాయ వ్యయముల మధ్య పొంతన లేకుండును. కొత్త వస్తువులు సైతము పనికి రాకుండా పోవుటచే మరలా వస్తుసేకరణకు ఖర్చులు చేయవలసి వచ్చును. ఇంటియందు కలహవాతావరణము కలుగును. బ్యాంకులు ఇన్సూరెన్సులు గ్యారంటీలు విషయములో మోసములకు గురి అగుదురు. భార్యభర్తల మధ్య సఖ్యత తగ్గును. శత్రుభయము కలుగును. శారీరక మానసిక ఆరోగ్యము సహకరించక శక్తి క్షీణించును. అన్నికార్యముల యందు అభివృద్ధి నిరోధకముగా నుండును. సువర్ణ రజితాది విలువైన ఆభరణములు తస్కరణకు గురి అగును. విలువైన డాక్యుమెంట్లు పోగొట్టు కొందురు. ఇంటియందు బూజులు శిలీంద్రములు చెదలు వంటి సమస్యలు కలుగును. మనోవ్యాధి పెరుగును. పోలీసు కోర్టు కేసులు కొలిక్కి రాక ఇబ్బందులు కలుగును. అందుబాటు ఉన్న నిధులు సైతము సమయానికి అక్కరకు రాకుండును, నిధుల దుర్వి నియోగం కలుగును. దుష్ట సాంగత్యము మోసకారుల సహవాసము కలిగి అమర్యాదకు లోనగుదురు. సజ్జనులతో శత్రుభావము కలుగును. ప్రమాదములు ఎదుర్కొందురు.

2026-2027 కుంభరాశికి సంవత్సర తృతీయ భాగమున భోగలాలాసత పెరిగిపోవును. నూతన పర్యటనలు చేయుచు ధనము అధికముగా ఖర్చు అగును. భార్యభర్తల మధ్య పొరపొచ్చములు కలుగును. ప్రభుత్వ పరమైన అనుమతులు అలస్యము మీద వచ్చును. మనోభీష్టమునకు వ్యతిరేకముగా కార్యములు జరుగును. శుభకార్య నిర్వహణ కష్టముగా కొనసాగును. చేయు వృత్తి వ్యాపార ఉద్యోగాదుల యందు సానుకూల ధోరణితో సహచరులతో మైత్రి భావముతో మెలగుదురు. సంఘపరమైన సమస్యలలో పరిష్కారముల కొరక వేచి చూడక తప్పదు. భూగృహ నిర్మాణాది కార్యములు కొనసాగించ గలరు. క్షేత్రవృద్ధి కలుగును. భృత్యు కలహములు కలుగును.

2026-2027 కుంభరాశికి సంవత్సరాంతమున ధనవృద్ధి కలుగును. పొగడ్తలకు లొంగిపోవుదురు. అనవసర విషయములపై దృష్టి పెట్టుటచే అభివృద్ధి మందగించును. ధనాదాయము అనుకూలముగా నుండుటచే ఎవరిని లక్ష్యపెట్టక మొండిగా నుందురు. సజ్జనులతో ద్వేషభావము కలుగును. ఋణములు చేసి దుబారా చేయుదురు శత్రుభాధ పెరుగను. శత్రువులను కట్టడి చేయలేక నీరసించి పోవుదురు. వ్యాధి భయము కలుగును. హఠాత్తుగా వచ్చిన సమస్యలతో ఆర్ధికముగా వెనుకబడిపోయెదరు. పెద్దమొత్తంలో సోమ్ము పోగొట్టుకొందురు. శరీర పోషణ తగ్గును. శారీరక మానసిక వ్యాధి తగ్గును. నేత్రబాధ కంటి ఆపరేషన్లు నేత్రములకు దెబ్బలు తగులుట, చూపు మందగించుట వంటి సమస్యలు కలుగును. సకల కార్యవిఘ్నములతో అశాంతితో నుందురు. ధైర్యముతో పరిస్థితులను ఎదుర్కొని పోరాడుదురు. దేశ విదేశ సంచారము చేయుదురు. బంధుమిత్రాదులు చిన్నచూపు చూచెదరు. ఇంటియందు సమస్యలతో కలత చెందుదురు. ఇంటాబయట జగడములు కలుగును. పూర్వార్జితము కరిగిపోవును.