Makara Rasi 2026-2027 Telugu Rasi Phalalu Yearly Horoscope

శ్రీ పరాభవ నామ సంవత్సరము నందు మకరరాశి వారి ఈ గ్రహస్థితిని పరిశీలించగా ఈ సంవత్సరమంతయూ శుభాధిక మిశ్రమ ఫలములతో ఆనందముగా నుందురు. అవకాశములు అప్రయత్నముగా వచ్చును. అదృష్టము వచ్చి తలుపు తట్టును. అన్నింటా విజయములతో కార్యశూరులుగా నుందురు. నిబద్దత నిజాయితీతో సంఘములో పేరు తెచ్చుకొందురు. మనోధైర్యము పెరుగును. అధిక ధనాదాయముతో సకల సౌఖ్యములను అనుభవవించగలరు. ధనవ్యయము ఎక్కువగా నుండును. తగిన పరిశ్రమతో ఉన్నత శిఖరములు చేరుటకు తగిన ప్రణాళికలు రూపోందించి సత్ఫలితములు పొందగలరు. భూలాభము క్షేత్ర లాభము, పశు, గో గణాభివృద్ధి కలుగును. భూ గృహ నిర్మాణాది కార్యములు సాధించగలరు. ఇంటి యందు శుభకార్య నిర్వహణ చేయుదురు. అధిక ధనవ్యయముతో భోగలాలసతో నుందురు. బంధుమిత్రాదులకు సహయ సహకారములు అందించెదరు. కొన్ని విషయముల యందు భార్యభర్తల మధ్య అభిప్రాయ బేధములు కలుగును. బంధువులతో విభేదించి కార్యములు చేయుదరు. దొంగల భయము కలుగును. శత్రువులు మీ పట్ల అసూ యతోనుందురు. కాని ఏమి చేయలేక మిన్నకుండిపోయేదరు. ఆరోగ్యము మందగించును. ఔషద సేవనము చేయవలసి వచ్చును. ప్రభుత్వ అధికారులతో పెద్దలతో వాగ్వివాదము చోటు చేసుకొనును. సంతాన మూలక సమస్యలు కలుగును. అగ్నిభయము, ప్రకృతి వైప రీత్యముల వలన నష్టముల పాలగుదురు. విలువైన వస్తువులు పాడగుట, కోల్పోవుట జరుగును. ఆదాయ మార్గములు అనుకూలముగా నుండుటచే మొండిగా ముందుకు పోయేదరు. చేయు వృత్తి వ్యాపార ఉద్యోగాదుల యందు అభివృద్ధి కలుగును. పలువురకు మార్గదర్శకులుగా నుందురు. నూతన పదవీయోగము కలుగును. శరీర పోషణ కలుగును.

2026-2027 మకరరాశికి సంవత్సర ప్రారంభమున ధనవ్యయము అధికముగా నుండును. శక్తికి మించిన పనులు చేయుదురు. ఆదాయ వ్యయముల యందు తేడాలు ఉండుటచే ఆందోళన జనించును. శత్రు పీడ పెరుగును. శత్రువులపై విజయము సాధించగలరు. సోదర సోదరీల సహకారము లభించగలదు. బ్యాంకు ఋణములతో అభివృద్ధి కార్యములు చేసేదరు. దేహసౌఖ్యము కలుగును. కీర్తి గౌరవ ప్రతిష్టలతో మెలగుదురు. వాక్పౌరుషము కలుగును. అనారోగ్య లోపములచే ఔషద సేవనము చేసేదరు. జంతుభయము పశునాశనము కలుగును. ప్రయాణ విఘ్నములు వాహన ప్రమాదములు సంభవించును. పోలీసు కోర్టు కేసులయందు తటస్థ వైఖరి రాజీ ధోరణీతో సానుకూలము చేసుకొనగలరు. భాగస్వాముల మధ్య విభేదములు కలిగి మీదే పైచేయి అగును. సంఘ కార్యములకు విరాళములు ఇచ్చెదరు.

2026-2027 మకరరాశికి సంవత్సర ద్వితీయ భాగమున మంగళప్రధమైన శుభకార్యములు చెసెదరు. బ్రహ్మచారులకు వివాహాది శుభకార్యములు జరిగి ఆనందముగా నుందురు. ఆగిపోయిన, వాయిదా పడిన కార్యములు అప్రయత్నముగా పూర్తి అగును. దేహసౌఖ్యము కలుగును. భార్య భర్తల మధ్య అనుమానములు తొలగి అనురాగ జీవనము కలుగును. పుత్ర సంతాన యోగముతో ఆనందముగా నుందురు. సోదర సోదరీ సౌఖ్యము కలుగును. స్థిర చరాస్థిలు అభివృద్ధి చెసెదరు. ప్రభుత్వాధినేతలతో సత్సంబదములు కలిగి కార్య నిర్వహణ పూర్తి చేయగలరు. పోలీసు కోర్టు కేసులలో అనుకూలతలు కలుగును. శత్రుభాధ నశించును. నూతన వస్తువాహన సామాగ్రి సువర్ణ రజిత ఆభరణములు సమకూర్చుకొందురు. ప్రయాణములు అనుకూలించును. బంధుమిత్ర సహకారము లభించును.

2026-2027 మకరరాశికి సంవత్సర తృతీయ భాగమున శతృపీడ పెరుగును. మీ వ్యతిరేకులు అంతా ఒక్కటిగా మీపై దాడి చేయగలరు. అయిననూ చలించక ధీటుగా ఎదుర్కొందురు. మానసిక ధైర్యముతో సమస్యలు పరిష్కరించుకొనగలరు. శరీర ఆరోగ్యము మందగించును. వైధ్యశాలా దర్శనము ఔషద సేవనం తప్పని సరి అగును. ప్రభుత్వ పెద్దలతో సఖ్యత చెడి మాట పట్టింపులతో సమస్యలు కలుగును. జరిమానాలు కట్టవలసి వచ్చును. ఆదాయము తగ్గుటతో ఆందోళన చెందెదరు. దొంగల భయముతో విలువైన వస్తువులు తస్కరణకు గురి అగును. మతి మరుపుతో విలువైన వస్తువులు డాక్యుమెంట్లు కనిపించక పోవుటతో ఆందోళనకు గురి అగుదురు. బ్యాంకు లావాదేవీల యందు సమస్యలు కలుగును. సాంకేతిక సమస్యలతో నష్టపోవుదురు. మార్కెట్ మాయాజాలంతో ధననష్టము కలుగును. పెట్టుబడులు సమయానికి అక్కరకు రాకుండును. అగ్ని భయము. విద్యుత్ షాక్‌లతో ఇబ్బంది పడెదరు. వృధా ఖర్చులు పెరుగును. పాప చింతన కలుగును. దేహము సొంపు చెడును. గాంభీర్యము తగ్గును. తెగువ కోపము కలుగును. బంధుమిత్రాదులు దూరమయ్యెదరు. గౌరవ ప్రతిష్టలు మసకబారును. లక్ష్యసిద్ధి తగ్గి చేయు వృత్తి వ్యాపార ఉద్యోగాదుల యందు సమస్యలు కలుగును. సహచరుల మధ్య బాగస్వాముల మధ్య విభేదములు పొడచూపును. ఋణభారము పెరుగును.

2026-2027 మకరరాశికి సంవత్సరాంతమున సకల కార్యసిద్ధి కలుగును. మనోధైర్యము పెరుగును. సకల సమృద్ధి కలిగి సంతోషముగా నుందురు. పోయిన వస్తువులు తిరిగి వచ్చి చేరును. బంధుమిత్రాదులు తప్ప్పు తెలుసుకుని మీ వద్దకు చేరెదరు. ఆరోగ్యము కలుగును. దేహ సౌఖ్యము కలిగి శారీరక మానసిక శక్తి పెరిగి ఆనందముగా నుందురు. ప్రభుత్వ అధికారులతో మాట కలియును. ప్రభుత్వ అనుమతులు సత్వరము సాధించుకొనెదరు. పోలీసు కోర్టు కేసులలో అనుకూలతలు పెరుగును. శత్రుబాధ తొలగును. బంధుమిత్రాదుల ప్రోత్సాహముతో సకల కార్యసిద్ధి జరుగును. అప్రయత్న ద్రవ్య లాభము కలిగి లాభార్జన చేయుదురు. భార్యభర్తల మధ్య అపోహలు తొలగి ప్రేమానురాగములు వర్ధిల్లును. నూతన బాంధవ్యములు అనుకూలించును. ఇంటియందు వివాహాది శుభకార్యములు చెసెదరు. సంతాన యోగము కలుగును. హృదయ సుఖము స్వకార్య సిద్ధి స్వస్థల ప్రాప్తి కలుగును. భూలాభము క్షేత్ర వృద్ధి గో పశువృద్ధి కలుగును. బంధుమిత్రాదులతో దేశ విదేశ పర్యటనలు చేసెదరు. మనోధైర్యము పెరిగి సహచరులతో సత్సంబంధములు కలుగును. నూతన వస్తు, వాహన వస్త్ర సంచయము చేకూరును. వ్యాపార అభివృద్ధి కలుగును. భృత్యులు సహకరించెదరు.