Meena Rasi 2026-2027 Telugu Rasi Phalalu Yearly Horoscope

శ్రీ పరాభవ నామ సంవత్సరము నందు మీనరాశి వారి ఈ గ్రహస్థితిని పరిశీలించగా ఈ సంవత్సరమంతయూ శుభాశుభ మిశ్రమ ఫలితములతో నుండగలదు. ఏలినాటి శని ప్రభావము కొనసాగును. శారీరక రుగ్మతలు ఒకేసారి దాడి చేసినట్లు ఉండును. మనోధైర్యము కోల్పోవుదురు. మతిస్థిమితము తగ్గును. తేజోహీనము ద్రవ్యనాశనము కలుగును. తరచూ దేశాంతర వాసము వృధా సంచారము వృధా ప్రయాణములతో ధ్రవ్య నాశనము కలుగును. మతిభ్రంశముతో ఇంటినుండి వెడలిపోవుట, ప్రయాణములలో తప్పిపోవుట కలుగును. హృదయ వ్యాధితో బాధపడుదురు. బంధువైరము కలుగును. స్థిర చరాస్తులు కోల్పోవుదురు. చట్టపరమైన సమస్యలలో ఇరుక్కొని అగమ్యగోచరముగా నుండును. శత్రువుల దుష్పచారము లతో సంఘ గౌరవము తగ్గును. పదవీ త్యాగము ఉండును. దుర్వ్యసనములకు లోనగుదురు. ఇష్ట బంధుమిత్రాదులు దూరమయ్యేదరు. ఆప్తమిత్రులకు హాని కలుగును. అప్ప్పుల బాధ కృశింప చేయును. యాచనము కలుగును. అనవసర వివాదములతో బంధనము కలుగును. మధ్య మధ్య కొంత ఉపశనము వాతావరణము నుండును. ద్రవ్య లాభము కలుగును. చేయు వృత్తి వ్యాపార కృషి వాణిజ్య ఉద్యోగాదుల యందు వ్యతిరేకత ఉన్ననూ నెగ్గుకొచ్చెదరు. సమస్యల చట్రం నుండి బయట పడి ఊరట చెందెదరు. బంధు సౌఖ్యము కలుగును. అపరిమిత ధన వ్యయము ఉండగలదు. ప్రతి పని 1కి 10సార్లు ప్రయత్నము చేసిన మీదట పనులు పూర్తి అగును. బార్య భర్తల మధ్య సఖ్యత తగ్గును. అగ్నిభయము అగ్ని ప్రమాదములు కలుగును. పశు గో లాభము కలగును. మనోధైర్యము పెరుగును.

2026-2027 మీనరాశికి సంవత్సర ప్రారంభమున సర్వవిషయముల యందు మందగమనము కలుగును. దేశాంతర ప్రయాణములు చేయుదురు. ఆర్ధిక నష్టములతో అవకాశములు రాక ఇబ్బంది పడుదురు. శరీరము నందు నీరసము నిస్సత్తువ ఆవహించును. పనివారలతో కలహములు కలుగును. ఋణబాదలు హెచ్చును. బుద్ధి చాంచల్యముతో వృధా సంచారము చేసెదరు. ఇచ్చిన మాట నిలుపుకొనలేక పోవుటచే ఆర్ధిక సర్ధుబాట్లు జరగక సమస్యలు కలుగును. కోర్టు నోటీసులు అందుకొందురు. బంధుమిత్రాదులు సమయానికి అక్కరకు రాక అవమానముల పాలు చేసేదరు. కొత్త సమస్యలు చుట్టుముట్టును. తక్కువ వారితో మాటలు పడవలసి వచ్చును. యాచనము, బంధన ప్రాప్తి కలుగును. ప్రమాదములు ఆపరేషన్లుతో తేజస్సు నశించును. స్థిర చరాస్తులకు కాళ్ళు వచ్చును. దాయాదులతో కలహములు కలుగును. దొంగల భయము కలుగును. స్థాన భ్రంశముల స్థాన నాశనము దేశ త్యాగము కలుగును.

2026-2027 మీనరాశికి సంవత్సర ద్వితయ భాగమున కొంత ఊరట కలుగును. సమస్యల నుండి బయట పడి ఉత్సాహముగా నుందురు. ఆరోగ్యము సహకరించును. ద్రవ్య లాభము కలుగును. కొన్ని ప్రయత్నములు బంధు మిత్ర సహకారముతో ఆలస్యము మీద నెరవేరును. ఋణములు మంజూరు అగును. ఇంటియందు ఆగిపోయిన శుభకార్యాది కార్యములు తిరిగి ప్రారంభమగును. శత్రుబాధ తగ్గును. ఋణ ద్రవ్యము లభించుటతో ఊపిరి పీల్చుకొందురు. పోలీసు కోర్టు కేసుýలో రాజీ ధోరణి అవలంబించెదరు. శత్రువులపైరాజకీయముగా పైచేయి సాధించెదరు. ప్రభుత్వ పెద్దల సహకారము లభించగలదు. భార్య భర్తల మధ్య సమస్యలు పరిష్కారమగును. చేయు వృత్తి వ్యాపార కృషి వాణిజ్య ఉద్యోగాదుల యందు సహచరులతో సమస్యలు కొలిక్కి వచ్చును. అభిప్రాయ బేధములు సమసి పోయి ఆనందముగా నుందురు. భూగృహ నిర్మాణాది కార్యలాభము కలుగును. సౌఖ్యముతో నుందురు. అమర్యాదలు, అపవాదములు తొలగిపోవును. ప్రయాణములు సిద్దించును. పుణ్యక్షేత్ర సందర్శనము గురుదేవతా దర్శనములు చేయుదురు. స్థిరచరాస్తులు విషయములో స్పష్టత కలుగును. దాయాదులు దారికి వచ్చెదరు. మాట పట్టింపులు తొలగి సర్వులతో సఖ్యతతో నుందురు.

2026-2027 మీనరాశికి సంవత్సర తృతీయ భాగమున ఆరోగ్యము మందగమనముతో నుండను. తరచూ వైద్యశాలా దర్శనము, ఔషద సేవనము చేయవలసి వచ్చును. శారీరక సౌఖ్యము తగ్గును. కష్టించి చేసిన పనికి తగిన ప్రతిఫలము రాకుండుటచే ఇబ్బందులు కలుగును. శరీర ఆరోగ్య విషయములో దేశ విదేశ ప్రయాణములు చేయవలసి వచ్చును. మానసికముగా స్థిరత్వము తగ్గును. మతిభ్రంశముతో చేసిన పని చేయుట తిరిగినచోట తిరుగుట చేయుదురు. శత్రువులు బాధించెదరు. బంధుమిత్రాదులతో కొత్త సమస్యలు కలుగును. భార్యభర్తల మధ్య పొరపొచ్చములు కలుగును. పోలీసు కోర్టు సమస్యలు, జరిమానాలు నోటీసులు అందుకొందురు పుత్ర కలహము బంధు కలహము జరుగును. దుర్వ్యసనములకు అలవాటుపడి పెద్ద మొత్తములో సోమ్ము పోగొట్టుకొందురు. ప్రభుత్వ అధికారులతో మాట పట్టింపులు కలుగును. అభివృద్ధి కానరాకుండును. ద్రవ్యనాశనము కలుగును. ఋణభారము పెరిగిపోవును. కాలిన గాయములు, వాహనప్రమాదములు కలగును. సమస్యల వలయములో చిక్కుకొందురు.

2026-2027 మీనరాశికి సంవత్సరాంతమున తిరిగి అన్ని విధములా పుంజుకొని ముందుకు వెళ్ళెదరు. శక్తి వంచన లేకుండా కృషి చేసి సమస్యలను కొలిక్కి తెచ్చెదరు. ఆరోగ్యము అనుకూలించును, మధ్యవర్తుల సహకారముతో శత్రువులు మిన్నకుండిపోయేదరు. బంధుమిత్రాదుల సహకారము లభించును. ఆదాయము పెరుగును. కుటుంబ జీవనసౌఖ్యముల కలుగును. ఇంటియందు సమస్యలను నివారించి సఖ్యత చేసుకొందురు. కొన్ని ఋణములు తీరిపోవును. నూతనవస్తు వాహనములు సమకూర్చుకొందురు. భూ గృహ నిర్మాణాది కార్యములు తిరిగి ప్రారంభించి కొనసాగించెదరు. సజ్జన గోష్టితో దుర్వ్యసన భారినుండి బయట పడి అభివృద్ధి దిశగా అడుగులు వేయుదురు. సర్వకార్యముల యందు కార్యోన్ముఖులై ముందుకు సాగెదరు. బంధుమిత్ర సౌఖ్యము కలుగును. పోలీసు కోర్టుకేసులు ఉపశమించును. సంఘ గౌరవము పెరుగును. సంతాన సమస్యలు తొలగి సంతానవృద్ధి కలుగును. సకల కార్యసిద్ధితో ఆనందముగా నుందురు. చేయు వృత్తి వ్యాపార కృషి వాణిజ్య ఉద్యోగాదుల యందు లాభార్జన కలుగును. సర్వుల సహకారము లభించును. ప్రభుత్వ పెద్దలతో సఖ్యత కలుగును. పుణ్యక్షేత్ర సందర్శనములు చేసెదరు. మంత్రసిద్ధి మృష్టాన్న భోజన ప్రాప్తి కలుగును.